Business Inspection to Bu Ga Co., Ltd.

မြန်မာနိုင်ငံရင်းနှီးမြှုပ်နှံမှုကော်မရှင်၏ ခွင့်ပြုမိန့်ဖြင့် ဘူးဂါးကုမ္ပဏီလီမိတက်က ရေအားလျှပ်စစ်ထုတ်လုပ်ဖြန့်ဖြူးခြင်းလုပ်ငန်း (မလိချောင်းရေအားလျှပ်စစ်စီမံကိန်း) ဆောင် ရွက်လျက်ရှိသည့် ဦးပိုင်အမှတ် အန်-၁၊ ကွင်းအမှတ် (OSS) ဂျာထကွင်း၊ ကန်တော်ယန် ကျေးရွာအုပ်စု၊ ဝိုင်းမော်မြို့နယ်၊ ကချင်ပြည်နယ်သည် နယ်မြေဒေသငြိမ်းချမ်းမှု အခြေအနေအရ သွားရောက်ကွင်းဆင်းစစ်ဆေးရန် ခက်ခဲသည့်အတွက် ရင်းနှီးမြှုပ်နှံမှုနှင့်ကုမ္ပဏီများ ညွှန်ကြားမှုဦးစီးဌာန၊ အလုပ်သမားညွှန်ကြားရေးဦးစီးဌာန၊ ပတ်၀န်းကျင်ထိန်းသိမ်းရေးဦးစီး ဌာန၊ စက်မှုကြီးကြပ်ရေးနှင့်စစ်ဆေးရေးဦးစီးဌာနတို့မှ တာဝန်ရှိပုဂ္ဂိုလ်များပါဝင်သည့် ကချင် ပြည်နယ်ရင်းနှီးမြှုပ်နှံမှုလုပ်ငန်းများကြီးကြပ်ရေးအဖွဲ့သည် ၂၀၂၅ ခုနှစ်၊ ဇန်နဝါရီလ ၂၀ ရက်နေ့တွင် မန်ခိန်ဓါတ်အားခွဲရုံ၊ မန်ခိန်ရပ်ကွက်၊ မြစ်ကြီးနားမြို့၊ ကချင်ပြည်နယ်သို့ သွားရောက်၍ ကွင်းဆင်းဝန်ဆောင်မှုပေးခဲ့ပါသည်။

အဆိုပါကချင်ပြည်နယ်ရင်းနှီးမြှုပ်နှံမှုလုပ်ငန်းများကြီးကြပ်ရေးအဖွဲ့သည် ခွင့်ပြုမိန့်ရရှိပြီးနောက်ပိုင်း လုပ်ငန်းဆောင်ရွက်မှု အခြေအနေများနှင့် ရင်းနှီးမြှုပ်နှံမှုပြုလုပ်ရာတွင် အခက်အခဲများနှင့်စပ်လျဉ်း၍ လိုအပ်သည်များကို ပေါင်းစပ်ညှိနှိုင်းဆောင်ရွက်ပေးခဲ့ပါသည်။